Prej dy vitesh nuk kishte pranuar ndarjen, dhunën e vazhdueshme
Rrahje dhe kërcënime të vazhdueshme prej dy vitesh, që kur vendosi të ndahej nga bashkëshorti i dhunshëm.
Një ndarje që tërhoqi një grua në ferr, deri në sulmin përfundimtar.Burri e goditi me grusht atë dhe vjehrrën e saj në sy të djalit të saj tre vjeçar.
Dhe këtë herë erdhën prangat .
Ngjarja ka ndodhur në Quartieri Spagnoli në Napoli. Dy gratë dhe fëmija po darkonin në një piceri. Burri rrinte jashtë dhe priste që ata të dilnin për t’i sulmuar. Ai ka goditur fillimisht gruan e tij, pastaj vjehrrën, i kërcënoi se do t’i shpërfytyronte me acid, këtë e ka bërë edhe në të kaluarën.
Djali filloi të qante i dëshpëruar. Të frikësuar klientët dhe punonjësit e lokalit, dikush thirri 112. Karabinierët nga stacioni Quartieri Spagnoli ndërhynë në vend, u morën pamjet e picerisë dhe ato të kamerave të vendosura përgjatë rrugës së arratisjes së burrit. 38-vjeçari u kap pak orë më vonë dhe u arrestua në flagrancë për abuzim në familje.
Tani ai ndodhet në burg, në pritje të gjykimit.
