Shkruan: Muhamet KELMENDI
Gjendja e sigurisë në Kosovë nuk është ashtu sikundër deklarojnë njerëzit në pushtet. Në Kosovë kemi një gjendje që në shikim të parë të duket e qytete, por që është në shpërthim. Pakënaqësi ka në shumë fusha.
Punësimi, korrupsioni, gjendja në arsim, në sigurinë sociale dhe në veri të Republikës nuk është e mirë. Veriu po mbahet me anën e forcës së pushtetit. Minoriteti serb është larguar nga pushteti. Atje po kryhen kohë pas kohe akte kriminale kundër organeve të pushtetit dhe pasurisë shtetërore. Janë në pritje edhe aksionet tjera të kryhen. Serbia po përgatitë grupe kriminale. Rreth Kosovës gjenden mbi 45 baza ushtarake e policore-vullnetare serbe. Të gatshëm për të vepruar. E gjithë kjo mundë dhe duhet të ndërpritet. Një hap i rëndësishëm është që pushteti të gjejë mënyrën e integrimit të minoritetit serb në shtetin e Kosovës. Si do të bëhet kjo ende nuk ka një çelës. Megjithatë kërkohet angazhimi i Kosovës në këtë anë, por edhe i faktorit ndërkombëtar. BE dhe ShBA kërkohet ta ndalin Serbinë. Me këtë shtet kriminal dhe agresive ndaj Kosovës nuk kemi paqe të qëndrueshme. Shteti serb duhet të ndëshkohet dhe të ndalet. Këtu është çelësi i paqes në Ballkanin juglindor. Serbia po kërcënon me luftë.
