Tre civilë u vranë dhe nëntë u plagosën në një sulm izraelit në kryeqytetin Damask, njoftoi media shtetërore herët në mëngjes duke cituar burime ushtarake. Media shtetërore raportoi se shpërthime u dëgjuan në kryeqytetin sirian dhe se mbrojtja ajrore kapi “objektivat e armikut” mbi zonën e Damaskut “tri herë radhazi brenda një nate”.
Sulmi izraelit shkaktoi gjithashtu dëme të konsiderueshme në pronën private, shtuan ata
TV Shtetëror: Na vranë prezantuesen
Televizioni shtetëror sirian më parë njoftoi se spikerja e tij Safaa Ahmad u vra në një sulm izraelit dhe siç shkruan Reuters, aktualisht është e paqartë nëse spikerja ishte në mesin e tre civilëve të përmendur nga media shtetërore.
Kur u pyet nga Reuters për sulmin, ushtria izraelite tha se nuk komenton raportet e mediave të huaja. Izraeli ka kryer sulme ndaj objektivave të lidhura me Iranin në Siri prej vitesh, por i ka shtuar sulmet e tilla që nga sulmi i vitit të kaluar nga Hamasi në territorin izraelit, kujton Reuters.
.
