Një gjykatë e Roterdamit ka dënuar një burrë për ngacmim seksual të një gruaje në publik, për herë të parë sipas një ligji të ri të paraqitur në korrik.
Një 33-vjeçar është dënuar me 280 euro gjobë, nga të cilat 180 euro pezullohet. Ai u dënua pasi ngacmonte dhe bërtiste një të re në qendër të qytetit, duke e ndjekur dhe duke e kapur për ije.
Që nga 1 korriku, ngacmimi seksual është i paligjshëm në Holandë
Gjyqtari ka vlerësuar se ai është sjellë në mënyrë “poshtëruese, frikësuese dhe të pandershme”. Nga 1 korriku në Holandë ngacmimi seksual në publik është i paligjshëm.
Zbatimi i ligjit në rrugët e Roterdamit kontrollohet nga policë me rroba civile. Ata mund të arrestojnë shkelësit në vend për ngacmim seksual, fishkëllimë ose gjeste kërcënuese.
Gjykatësi tha se një sjellje e tillë shkakton ankth dhe kufizon lirinë e lëvizjes së grave. “Njerëzit shmangin disa vende ose vishen ndryshe”, tha ai.
