Bashkimi Evropian nisi sot tre programe investimi për më shumë se 700 milionë euro për qëllimet e zhvillimit të qëndrueshëm të Ballkanit Perëndimor dhe rajoneve të tjera, të cilat sipas pritshmërive do të mobilizojnë 6.3 miliardë euro investime publike dhe private.
Programet që pasqyrojnë një angazhim të fortë ndaj qëndrueshmërisë klimatike dhe prosperitetit ekonomik gjithëpërfshirës mbështeten nga Fondi Evropian për Zhvillim të Qëndrueshëm Plus (EFSD+), si pjesë e nismës Globale Getaway, sipas një deklarate nga Komisioni Evropian.
BE-ja dhe Institucionet Financiare Evropiane të Zhvillimit (EDFI) po lançojnë një program të ri për të zbutur ndryshimet klimatike me synimin për të mobilizuar katër miliardë dollarë për të hequr më shumë se tetë milionë tonë dioksid karboni dhe gazra të tjerë të dëmshëm nga atmosfera.
