Deputeti i LDK-së, Armend Zemaj, ka sulmuar ashpër Vetëvendosjen dhe qeverisjen e saj mbi sistemin shëndetësor, duke thënë se retorika e tyre i ngjan një libri të quajtur “Si ta shkatërrojmë shëndetësinë?”.
Ai renditi një sërë dështimesh, përfshirë emërimet dhe shkarkimet e shpeshta të ministrave dhe të drejtorëve, mungesën e reformave dhe të strategjive si dhe keqmenaxhimin e burimeve, përfshirë skandalet në spitale dhe mungesën e materialeve esenciale.
Zemaj theksoi se shëndetësia është lënë në një gjendje të mjerueshme gjatë katër viteve të fundit nën udhëheqjen e Vetëvendosjes. /Kosovatimes/
