Ndeshja Serbi-Zvicër do të zhvillohet nën masa të shtuara sigurie

Ndeshja në kuadër të kampionatit të Ligës së Kombeve UEFA Serbi – Zvicër do të zhvillohet më 12 tetor në stadiumin e Leskovcit, me masa të rrepta sigurie, njoftoi Unioni i Futbollit të Serbisë (FSS). Tifozët do të lejohen në stadium me bileta të personalizuara me paraqitjen e dokumenteve të identifikimit. Çdo simbol tjetër përveç flamujve kombëtarë është i ndaluar në tribuna. Ndeshja do të ruhet nga forca të përforcuara policore. “FSS është nën mbikëqyrjen e posaçme të UEFA-s, kështu që ne u bëjmë thirrje të gjithë pjesëmarrësve në ngjarje që të ndihmojnë në parandalimin e përçarjes dhe ruajtjen e qetësisë dhe rendit, veçanërisht në lidhje me rastet e hedhjes së sendeve në fushën e lojës, si dhe thirrjeve të papërshtatshme”, theksoi FSF. Mediet serbe thone  se një numër i lojtarëve kyç të kombëtares së Zvicrës janë shqiptarë etnikë duke permendur  mesfushorin Granit Xhaka, te cilin e konsiderojne si provokues te tifozëve serbë.