Presidenti i Serbisë, Aleksandar Vuçiq, gjatë qëndrimit të tij sot në Mal të Zi iu përgjigj pyetjeve të gazetarëve. Vuçiq e kaloi pjesën më të madhe të konferencës për media duke debatuar me gazetarët vendas, dhe ai ishte veçanërisht i mërzitur nga çështja e Kosovës.
Një gazetar i televizionit të Podgoricës e pyeti Vuçiqin për situatën me Kosovën, duke përdorur termin “Republika e Kosovës”, duke i renditur atij se çfarë kishte ndodhur atje që nga ardhja e SNS në pushtet.
I mërzitur dukshëm, Vuçiq iu përgjigj.
“Faleminderit që e bëtë këtë. Nëse nuk do ta bënit, shumë do të dyshonin në fjalët e mia. Kështu e panë të gjithë se sa të drejtë kisha. Nuk ka Republikë të Kosovës, nuk ekziston sipas të Drejtës Publike Ndërkombëtare. Nuk ekziston sipas Kartës së Kombeve të Bashkuara, nuk ekziston sipas Rezolutës 1244. Nuk më shqetëson që ju jeni të lumtur dhe doni të provokoni qëllimisht duke thënë Republika e Kosovës. Imagjinoni që e kam fjalën për ‘Republikën e Gusinjes’ ose ‘Republikën e Pljevljes’. Nuk po ju them se nuk ekziston”, tha Vuçiq, duke shtuar se Kosova është pjesë e Serbisë.
“Hajde, mos më ndërprisni se e dëgjova me vëmendje”. Pra, ne kemi vërtetuar se ju nuk e përkrahni Rezolutën 1244 dhe Kartën e OKB-së. Ne kemi vërtetuar se ju mbështesni ndarjen e Republikës së Serbisë dhe lëvizjet separatiste në territorin e Serbisë. Nuk do të ketë ndryshim qëndrimi. Sa për kartat e identitetit dhe gjithçka tjetër, unë jam i kënaqur për të gjitha. “Ne gjithmonë kemi qenë pro tregtisë së lirë, qarkullimit të mallrave, kapitalit, shërbimeve, gjithçka… Nuk ka të bëjë me statusin shtetëroro-juridik”, tha Vuçiq.
Ai e përfundoi fjalimin e tij duke thënë se Serbia nuk eksporton armë në Ukrainë dhe Rusi.
