Kryeministrja italiane Giorgia Meloni dëshmoi në gjyqin ndaj dy personave që prodhonin dhe shpërndanin të rreme, të ashtuquajturat video pornografike të rreme me personazhin e saj.
Kryeministrja iu drejtua gjykatës në Sassari të Sardenjës përmes video-telefonit, duke këmbëngulur se përgjegjësit për pamjet e rreme dhe të inskenuara duhet të ndëshkohen. “Është një formë dhune ndaj grave”, tha Meloni.
Të akuzuarit janë një 40-vjeçar, i cili dyshohet se ka montuar pamjet false dhe babai i tij 73-vjeçar. Sipas aktakuzës, videot janë postuar në një uebsajt pornografik amerikan, ku janë parë “miliona herë” gjatë disa muajve dhe datojnë para se ajo të bëhej kryeministre në 2022.
Në videot e rreme, dyshja vendosin fytyrën në trupat e aktores porno. Të dy të dyshuarit u akuzuan për shpifje dhe sipas ligjit italian, disa raste shpifje mund të jenë kriminale dhe madje të dënohen me burg.
Meloni kërkon dëmshpërblim në shumën prej 100 mijë eurosh. Ekipi ligjor i kryeministrit italian tha se nëse kërkesa për dëmshpërblim rezulton e suksesshme, ata do ta dhurojnë shumën në një fond për të mbështetur gratë që kanë qenë viktima të dhunës.
“Efekti i atyre regjistrimeve tek unë është i padurueshëm. Është i padurueshëm për këdo, sidomos për dikë si unë, që lufton çdo ditë kundër dhunës ndaj grave”, tha Meloni.
