Një aeroplan që fluturonte nga Seattle në Stamboll iu desh të bënte një ulje emergjente në Nju Jork pasi kapiteni i avionit u sëmur. Edhe pse ekuipazhi i dha ndihmën e parë, ai vdiq para uljes së avionit.
Ekuipazhi kishte një tjetër pilot dhe bashkë-pilot, të cilët morën kontrollin e avionit, shkruan BBC.
Icehin Pehlivan, i cili vdiq në aeroplan, fluturonte me “Turkish Airlines” që nga viti 2007 dhe në fillim të marsit i ishte nënshtruar një kontrolli të rregullt mjekësor, gjatë të cilit nuk u konstatuan probleme shëndetësore që mund të ndikonin në punën e tij.Shkaku i vdekjes së pilotit nuk është bërë i ditur.
