Shkruan: Idriz MORINA
Kalimi i deputetes Drita Millaku në LDK, është më shumë se sa një kalim simbolik.
Drita Millaku, ka qenë denoncuesja më e ashpër ndaj Kadri Veselit për përfshije në vrasje. Ajo është motra e ish-bashkëshortes së komandant Drinit, të vrarë pabesisht pas luftës. Një vrasje enigmatike që shpresohet ta zbardhë gjykata speciale!
Por, Drita Millaku, në mandatin e saj të dytë në VV, si duket ishte izoluar, dhe me shumë gjasë është ndëshkuar për padëgjueshmërinë e treguar, duke goditur ish-kreun e SHIK-ut, Kadri Veselin. Me marrjen e qeverisë nga VV, të bëmat e SHIK-ut, janë heshtur, dhe nuk ka më as akuza publike, e as të karakteriti juridik! Kjo parti, vlerësoj se po mundohet ta shpëlajë rolin negativ të SHIK-ut, duke i dhënë një imazh të tjetërsuar e të reduktuar!
Pra, kalimi Dritës në LDK, është një shans për këtë parti për t’u kthyer në identitetin e saj të vërtetë, që ishte e goditur dhe shtypur nga SHIK-u, dhe bashkëpunëtorë të tij, duke vrarë personalitete të shquara!
Një braktisje që flet shumë për perspektivën negative që ka krijuar kjo parti në raport me zotimet e saj, dhe shpresën iluzive që kishte krijuar tek shqiptarët në Kosovë!
