Florent Hadërgjonaj ka shprehur besimin e tij të plotë se Kosova do të arrijë një tjetër fitore në Nations League, para ndeshjes kundër Qipros më 15 tetor.
Pas fitores ndaj Lituanisë, Kombëtarja e Kosovës ka zhvilluar të dielën stërvitjen e parë në përgatitje për përballjen e radhës.
“Ndeshja kundër Qipros nuk do të jetë e lehtë, por ne shkojmë për fitore dhe kjo nuk vihet në diskutim. E kemi ditur edhe para ndeshjes me Lituaninë që duhet fituar për t’i mbajtur gjallë shpresat në këtë grup. Mendoj që e kemi merituar fitoren”, ka thënë Hadërgjonaj.
