Dashamirës të fjalës së shkruar dhe krijimtarisë letrare kishin rastin të takoheshin me ish-gazetarin, shkrimtarin dhe mërgimtarin Ruzhdi Jata, i cili promovoi dy librat e tij “Trafikantët“ dhe “Burrat e Kohës “ në LIdhjen e Shkrimtarëve në Prishtinë.
Redaktori i librit dhe vetë autori kishin gërshetuar krenarinë, sfidën dhe çiltërsinë e familjes dhe rinisë shqiptare të sfiduar në rrugën emigrimit.
Dimensioni i veprave të Ruzhi Jatës u cilësua i veçantë për tematikën e trajtuar të ndërlidhur me familjen autoktone shqiptare dhe sfidave të kohës drejt një jete më të mirë.
