Aktivisti politik Ardian Nokaj ka ngritur shqetësime për keqpërdorimin e Diasporës shqiptare nga politika e Kosovës, sidomos gjatë zgjedhjeve.
Sipas tij, qeveritë dhe partitë i drejtohen Diasporës vetëm për të marrë vota dhe para, duke mos respektuar kontributin e tyre kur ata kthehen për të ndihmuar vendin.
“Pa mbështetjen e Diasporës, Kosova nuk do të kishte mbijetuar gjatë regjimit serb, as nuk do të kishte fituar luftën dhe shpallur pavarësinë”, ka shkruar ai.
Ai bën thirrje për integrimin e plotë të Diasporës në politikë dhe në zhvillimin ekonomik, arsimor dhe shoqëror të Kosovës, me rezerva vendesh në Kuvend dhe përfaqësim të drejtpërdrejtë. /Kosovatimes/
