Gjatë vizitave të Kreut të Qeverisë Albin Kurti në vendet e jashtme, janë jo të rralla takimet me diasporën. Asgjë të keqe nuk ka këtu, sikur në ambientet ku Kryeministri Kurti mban këto takime të vendosej flamuri i Kosovës ashtu siç parashihet me protokoll. Megjithatë në pjesën më të madhe sikur ky takimi i fundit në Berlin me diasporën ishin vendosur flamuri i Shqiperisë, në vend të atij të Kosovës i cili është simbol zyrtar i vendit tonë.
Në gjykimin e analistëve kjo është jo vetëm shkelje e protokollit dhe tradhti kombëtare, por edhe keqpërdorim i buxhetit duke qenë, që në vizita zyrtare përdorë flamurin kombëtar për qëllime të veta partiake.
Analisti politik Nexhmedin Spahiu tha se është e paprecedentë që kryeministri me bë fushatë me flamurin e një vendi tjetër.
“Kjo tregon jo seriozitet primar dhe është akt armiqësor ndaj vendit të cilin e udhëheq. Është tradhti kombëtare. Imagjinoni kryeministrin e Maqedonisë me bë fushatë me flamur bullgar ose ai i bullgarisë të bëjë fushatë më flamurin maqedon. Ose ai i Serbisë me flamur të Mali i Zi ose e kundërta. Krejt këto vende dhe shumë vende të tjera në botë janë në pozitë identike siç është Kosova me Shqipërinë. Por kryeministrin i asnjë vendi nuk bënë fushatë me flamurin e vendit tjetër”, tha ai.
Për Spahiun keqpërdorimi i buxhetit të vendit në këtë rast nuk është më e rëndë se sa akti i parë.
“Përderisa për ta është e para një akt tradhtie e dyta është relevante. Është njëjtë sikur njërin që e ke vrarë me plumb në kokë dikë, e pastaj me ja dhënë edhe një “kokallë”. Pra akti i parë e bënë të parëndësishëm për nga pesha ajo që i bënë buxhetit”, tha Spahiu.
Ndërkaq analisti politik Blerim Burjani konsideron se Kurti kudo që shkon, njihet si kryeministër i shtetit dhe se kjo aspak nuk është pozitive për angazhimin e tij, në kuptimin shtetëror.
“Ai vepron në saje të simboleve të shtetit të Kosovës, flamuri kuqi e zi është patriotizëm apo për të fituar simpati më të madhe dhe përkrahje për VV. Ai duhet të ketë dy simbolet tona në diasporë flamurin e shtetit dhe flamurin kombëtar. Taksapaguesit po japin para te tyre për te avancuar jetën e Kosovës në aspektet ekonomike e jo vetëm dikush me fituar vota, nuk është politike veç vote, por është avancim, zhvillim ekonomik, mirëqenie sociale e tjera”, tha Burjani. /Kosovatimes/
