Ndërtesa e Qeverisë është ndriçuar sonte me ngjyrën rozë, për nderë të muajit për sensibilizimin e kancerit të gjirit.
Kryeministri Albin Kurti ka thënë se në QKUK për herë të parë mund të bëhet falas rikonstruktimi i gjirit për gratë që e kanë mposhtur kancerin e gjirit.
“Shërbimi i mamografisë, si masë parandaluese dhe diagnostikuese, është falas për të gjithë qytetarët e Republikës. Për herë të parë, vjet kemi zgjeruar qasjen në shërbimet e mamografisë mobile edhe në komunat veriore të vendit, ku për vetëm tri ditë janë realizuar 180 ekzaminime”, ka shkruar ai në facebook.
Sipas tij, investimet e realizuara në Klinikën e Onkologjisë dhe blerja e dy akseleratorëve të rinj, përfshirë sistemin më të avancuar C-RAD, po ndikojnë në cilësinë e trajtimit. /Kosovatimes/
