Sipas informacioneve, vajza e shoqëruar nga prindërit ka kërkuar ndihmë dentare për shkak të dhimbjes së fortë të dhëmbit.
Një ngjarje tragjike ka ndodhur në Sarajevë kur një adoleshente 16-vjeçare ka ndërruar jetë për shkak të komplikimeve pas nxjerrjes së dhëmbit. Vajza e ndjerë ishte vetëm 16 vjeçe dhe vdekja e saj la në tronditje të thellë familjen dhe miqtë e saj.
E shoqëruar nga prindërit e saj, ajo ka kërkuar ndihmë dentare për shkak të dhimbjes së fortë të dhëmbit, transmeton Srpskainfo. Pas nxjerrjes së dhëmbit në një ordinancë private, situata u përkeqësua papritur.
Qelbi nga dhëmbi u përhap në qafë, duke shkaktuar një infeksion serioz që rezultoi në zhvillimin e sepsës.
Vajza u transferua me urgjencë në QKUS në gjendje kritike, ku mjekët bënë përpjekje maksimale për ta shpëtuar, por për fat të keq, ndërlikimet rezultuan fatale.
Fatkeqësisht, tragjedia bëhet edhe më therëse për shkak se nëna e vajzës së ndjerë kishte ditëlindjen vetëm një ditë para vdekjes së foshnjës së saj , gjë që e rëndon edhe më shumë dhimbjen e humbjes. Familja dhe miqtë janë në zi.
