KATËR persona kanë vdekur në një aksident automobilistik në Francë pasi Tesla e tyre goditi një tabelë dhe shpërtheu në flakë, tha policia.
Toger Eric Hoarau, një zëdhënës i policisë lokale, tha se rrethanat e sakta të aksidentit që ndodhi të shtunën mbrëma pranë qytetit të Niorta ende nuk janë përcaktuar dhe se hetimet janë duke vazhduar.
“Gjithçka sugjeron që automjeti doli nga rruga”, tha Hoarau. Ai ka konfirmuar se nuk ka pasur dëshmitarë, gjë që e ndërlikon hetimin, raporton Anadolu.
Ai theksoi se shoferi dhe tre pasagjerë janë djegur pa u dalluar. Tesla nuk iu përgjigj një kërkese për koment.
