Kapiteni i kombëtares së Zvicrës, Granit Xhaka, pranon se humbja ndaj Serbisë në ndeshjen e Ligës së Kombeve në Leskovc (0:2) ishte jashtëzakonisht e vështirë për të.Mesfushori me origjinë shqiptare, i cili u kujtua për provokimet nga ndeshjet e mëparshme me Serbinë , por doli fitues prej tyre, këtë herë ndjeu edhe se si është të jesh në krahun e mundur.
Dhe, duke gjykuar nga deklarata, ai nuk mund të pajtohet me këtë.
– Do të jem i sinqertë me ju, nuk kam mundur të fle deri në tetë të mëngjesit – ka pranuar Xhaka në një intervistë për RTS-në zvicerane.
Pastaj shtoi:
– Ishte një ndeshje shumë emocionuese. Sido që të jetë, gjithmonë e kam problem të bie në gjumë pas një loje, sidomos nëse është humbje… normalisht jam shumë autokritik, shikoj se çfarë kam bërë mirë dhe çfarë nuk kam bërë – shtoi Xhaka duke pranuar. se edhe vetë e ka analizuar ndeshjen kundër Serbisë.
Dy skuadrat do të luajnë një ndeshje të re më 15 nëntor në Cyrih në kuadër të xhiros së pestë të Ligës së Kombeve.
