Dogana e Kosovës në bashkëpunim me Policinë e Kosovës kanë sekuestruar në Ferizaj produkte bujqësore që dyshohet të jenë të kontrabanduara nga Serbia. Vlera e mallrave të sekuestruar sipas vlerës së tregut është rreth 3 mijë e 500 euro.
“Pas pranimit të informatave për posedim te mallrave të kontrabanduara është kontrolluar subjekti afarist, barnatore bujqësore në Ferizaj. Gjate kontrollit të subjektit janë gjetur produkte te ndryshme ,pa dokumentacion përkatës,të cilat ishin me origjinë nga Serbia ku të njëjtat dyshohet se janë kontrabanduar nga Serbia rrugëve ilegale”, ka bërë të ditur Dogana.
Vlera e mallrave të sekuestruar sipas vlerës së tregut është rreth 3 mijë e 500 euro derisa mallrat janë sekuestruar dhe dërguar në terminalin doganor për procedura të mëtutjeshme. Rasti është duke u trajtuar nga njësitet e Doganës së Kosovës.
