Ish-presidenti amerikan Donald Trump tha se Ukraina duhet t’i dorëzojë Rusisë një pjesë të territorit të saj në mënyrë që t’i japë fund luftës.
Ai gjithashtu vlerësoi se presidenti ukrainas Volodymyr Zelensky është pjesërisht fajtor për fillimin e luftës me Rusinë, si dhe për moskërkimin e armëpushimit me Moskën, raporton Reuters.
“Kjo nuk do të thotë se nuk dua ta ndihmoj sepse ndihem shumë keq për ata njerëz. Por ai kurrë nuk duhet të kishte lejuar që ajo luftë të fillonte,” tha kandidati republikan.
