Udhëheqësi i Hamasit, Yahya Sinwar, vdiq nga një plagë me armë zjarri në kokë, tha për CNN Hen Kugel, kryepatologu në Qendrën Kombëtare të Mjekësisë Ligjore të Izraelit, i cili kreu autopsinë: “Ai ka një plumb në kokë dhe një lëndim të rëndë traumatik të trurit”. tha ai.
Lëndime të tjera të shumta u gjetën gjithashtu në trupin e Sinvarit, me gjasë të lidhura me goditjen e ndërtesës nga një predhë tanku ose raketë. “Ata shkaktuan dëme të rënda, por shkaku i vdekjes ishte një plagë me armë zjarri në kokë”, theksoi ai.
Forcat e Mbrojtjes së Izraelit fillimisht njoftuan se Sinwar u vra në një sulm me tank në një shtëpi në Rripin e Gazës.
E pyetur nga CNN për të komentuar mbi gjetjet e Kugelit, IDF tha se kishte një përleshje zjarri që përfundoi me ushtrinë izraelite që gjuajti një predhë tanku në ndërtesë. Forcat e Mbrojtjes së Izraelit theksuan se vazhdojnë të hetojnë të gjitha rrethanat e incidentit.
Yahya Sinwar konsiderohet organizatori kryesor i sulmit terrorist të Hamasit në Izrael më 7 tetor 2023.
