Niveli lokal ka ngecur në zbatimin e rekomandimeve të Zyrës Kombëtare të Auditimit. Gjatë 2023-s u zbatuan vetëm 39% e rekomandimeve të dhëna. Kryetarët e komunave janë munduar të shfajësohen teksa kanë thënë se do t`i zbatojnë rekomandimet e dhëna. Ndërsa, deputetë të Kuvendit të Kosovës kanë folur për sfidat gjatë mbikëqyrjes së ligjshmërisë së shpenzimeve të parasë publike.
Pjesa më e madhe e rekomandimeve të dhëna nga auditori nuk kanë gjetur zbatim nga niveli lokal në Kosovë.
Sipas një analize të publikuar nga Instituti Demokratik i Kosovës, vetëm 39% e rekomandimeve të auditorit janë zbatuar nga komunat në vitin e kaluar.
Pavarësisht të gjeturave, kryetarë të komunave kanë lavdëruar punët e tyre, teksa kanë kërkuar që analiza të tilla të bëhen edhe për nivelin qendror.
Ndërsa, deputetë të Kuvendit të Kosovës kanë folur për punët që kanë kryer në mbikëqyrjen e ligjshmërisë së shpenzimeve të parasë publike.
Analiza është kryer vetëm për 12 komuna, atë të Prishtinës, Ferizajt, Graçanicës, Gjakovës, Kaçanikut, Kamenicës, Lipjanit, Mitrovicës, Pejës, Podujevës, Rahovecit e Skënderajt.
