Një PIZERI me qendër në qytetin gjerman të Dyseldorfit është gjetur në qendër të një hetimi policor për shitjen e drogës.
Sipas policisë gjermane, piceria shpërndante pica, por edhe kokainë, e cila figuronte si “pica nr.40” në menu. “Ishte një nga picat më të shitura”, tha policia gjermane, raporton Deutsche Welle (DW).
Pronari 36-vjeçar i picerisë hodhi nga dritarja një çantë të mbushur me drogë sapo policia i ra ziles së derës. Pronari nuk kishte precedentë penalë. Dy ditë pas arrestimit, ai u lirua nga burgu dhe filloi të ofronte sërish “Picën nr. 40”, gjë që ndihmoi oficerët të identifikonin hallkat e tjera të zinxhirit.
U nis një operacion ku u arrestuan 15 persona, tre prej të cilëve dyshoheshin për blerje droge. Janë konfiskuar 1.6 kilogramë kokainë, 400 gramë kanabis dhe 268 mijë euro para cash. Në hetim morën pjesë 150 policë.
