I dërguari personal i presidentit të Serbisë Aleksandar Vuçiq, zëvendëskryeministri Aleksandar Vulin kryeson delegacionin serb në Samitin e BRICS, i cili po mbahet në qytetin rus të Kazanit, njoftoi sot Qeveria e Serbisë.
Përveç Vulin, në delegacionin e Republikës së Serbisë janë edhe ministri i Mbrojtjes Bratislav Gashiq, ministrja e Ekonomisë Adrijana Mesaroviq dhe ministri pa portofol i ngarkuar për bashkëpunim ekonomik ndërkombëtar dhe pozitën sociale të kishës në vend dhe jashtë saj, Nenad Popoviq.
Samiti i liderëve të BRICS fillon sot në Kazan dhe nën moton “Forcimi i multilateralizmit për zhvillim dhe siguri të drejtë globale” do të zgjasë deri më 24 tetor.
