Një tren pasagjerësh doli nga shinat në Norvegjinë veriore të enjten dhe operatori hekurudhor SJ tha se nuk kishte lëndime serioze.
Nga raportimet paraprake thuhet se nuk ka pasagjerë të lënduar rëndë”, ka bërë të ditur SJ. Një zyrtar i policisë tha për TV2 se “pesë ose gjashtë të plagosur” janë shtruar në spital dhe se “askush nuk është në rrezik për jetën”, raporton agjencia e lajmeve AFP.
Agjencia norvegjeze e lajmeve NTB raporton, duke cituar Qendrën e Përbashkët të Koordinimit të Shpëtimit (JRCC) për Norvegjinë veriore, se “ishin midis 50 dhe 70 persona në tren”.
Treni ishte rrugës për në qytetin Bodø, në veri të Rrethit Arktik.
E përditshmja norvegjeze VG ka publikuar fotografi nga vendi i aksidentit, të realizuara nga pasagjerët, të cilat tregojnë se lokomotiva është kthyer në anën e saj. Mjetet e emergjencës kanë mbërritur menjëherë në vendin e aksidentit.
