Presidentja e Komisionit Evropian, Ursula von der Leyen, në takimin që ka pasur me kryeministrin e vendit, Albin Kurti, e ka falënderuar atë për pritjen që sot i bëri në Prishtinë.
Në një postim në platformën ‘X’ Vond der Leyen e ka uruar Kurtin për arritjet e suksesshme në ekonomi. “Jemi krenarë që ju mbështesim. Le të vazhdojmë të punojmë së bashku hap pas hapi për të ardhmen evropiane të Kosovës”, shkori Von der Leyen në ‘X’.
Ajo u takua sot edhe me presidenten e vendit, Vjosa Osmani, ku mbajtën konferencë për media.
Ndryshe, Von der Leyen është duke qëndruar në Ballkanin Perëndimor që nga 23 tetori, e cila, së pari vizitoi Shqipërinë, ku u takua kryeministrin e Shqipërisë, Edi Rama dhe një ditë më pas, më 24 tetor, u takua me presidentin e Shqipërisë, Bajram Begaj.
Von der Leyen, vizitoi Maqedoninë e Veriut, ku u takua kryeministrin Hristijan Mickoski, si dhe presidenten Gordana Siljanovska-Davkova.
Kurse më 25 tetor, Von der Leyen, vizitoi Serbinë ku zhvilloi një takim me presidentin serb, Aleksandar Vuçiq.
Ndërkaq pas vizitës në Kosovë, Von der leyen do të shkojë në Mal të Zi, ku do të pritet nga presidenti malazez, Jakov Milatoviq dhe kryeministri Milojko Spajiq.
