“Banka Zhvillimore po bëhet realitet dhe shumë shpejt do të jetë në shërbim të bizneseve të zhvillimit të vendit dhe krijimit të vendeve të punës”. Ky ishte deklarimi i ministrit të Financave, Hekuran Murati, sa i përket themelimit të Bankës Zhvillimore të Kosovës.
Ide kjo e dhënë para më shumë se tri vitesh e që tani sipas Muratit, pritet të jetësohet.
Mirëpo ky premtim e ide po shihen me skepticizëm nga ekonomist vendës.
Profesori universitar, Fadil Sahiti, thotë se Banka Zhvillimore është një ide e riaktualizuar nga Qeveria, ndërsa thekson se kjo nuk duhet të përdoret për fushatë elektorale.
” Nëse nuk përdoret për propagandë”, ka thënë Sahiti.
Ekonomisti Lulzim Beqiri thotë se themelimi i Bankës Zhvillimore do t`i mbështetëse sektorin privat, rritjen e kapaciteteve prodhuese dhe të eksportit të Kosovës. Por sipas tij, themelimi i kësaj banke nuk mund të ndodhë tani për tani, si rrjedhojë e mungesës së numrave të Qeverisë në Kuvend.
“Për mendimin tim në aspektin ekonomik është një lajm i mirë nëse themelohet, por aktualisht e shoh të pamundur për faktin që tashmë jemi në fund të mandatit të qeverisë dhe duke u bazuar në numra që i ka qeverisja aktual në kuvend dhe mendoj që kjo bankë nuk do të kalojë”, ka thënë Beqiri.
Profesor Sahiti thotë se një bankë e tillë do të kishte vlerë vetëm nëse do t?u ndihmonte kompanive që kanë perspektivë inovative dhe në mënyrë të veçantë, eksportit.
