Përparim Rama, kryetari i Prishtinës, mori pjesë në lansimin e fazës së parë të projektit “Të kam në Mendje,” një iniciativë që synon të rrisë vetëdijen për shëndetin mendor përmes artit.
“Projekti, që përfshin publikimin e katër këngëve të fuqishme, synon të luftojë stigmën ndaj çështjeve të shëndetit mendor dhe të ndihmojë komunitetin të mbështesë ata që përballen me këto sfida”, ka shkruar ai.
Rama falënderoi Malda Susurin për përkushtimin e saj ndaj kësaj kauze, duke e cilësuar projektin si një thirrje për të gjithë për ndërgjegjësim dhe solidaritet. /Kosovatimes/
