Kryetari i Komunës së Prishtinës, Përparim Rama, ka inspektuar punimet për pastrimin e lumit “Prishtevka” në zonën “Fusha e Pajtimit”, një hap kyç për mbrojtjen e mjedisit dhe parandalimin e përmbytjeve.
“Në bashkëpunim me zyrtarët e Drejtorisë së Shërbimeve Publike dhe Drejtorisë për Siguri dhe Emergjenca, janë larguar mbeturinat nga hapësirat përreth lumit, ndërsa qytetarët ftohen të kontribuojnë në mbajtjen pastër të hapësirave publike”, ka shkruar ai.
Rama theksoi rëndësinë e një mjedisi më të sigurt dhe të pastër për të gjithë. /Kosovatimes/
