Nju Delhi kryesoi listën e qytetit më të ndotur në botë sot pasi banorët kundërshtuan ndalimin e fishekzjarreve dhe raketa ndezëse gjatë festivalit hindu të dritave, Diwali, duke shkaktuar përkeqësim të rrezikshëm të cilësisë së ajrit.
Smogu i dendur zbriti në kryeqytetin indian pas festimeve të Diwli, duke përfshirë plotësisht pallatin presidencial dhe kopshtet përreth, një destinacion popullor për këmbësorët, vrapuesit dhe çiklistët.
Niveli i rrezikshëm i ndotjes
Sipas kompanisë zvicerane të matjes së cilësisë së ajrit IQ Air, indeksi i cilësisë së ajrit në Nju Delhi ishte 348, që konsiderohet një nivel i rrezikshëm ndotjeje.
Autoritetet lokale kanë ndaluar përdorimin e mjeteve piroteknike gjatë festimeve Diwali dhe dimrit në vitet e fundit, në përputhje me direktivat e Gjykatës së Lartë, por kanë luftuar për të zbatuar masën pavarësisht kërcënimit me burg për shkelësit.
Djegia në Indinë veriore përkeqëson më tej cilësinë e ajrit
Smogu që zbriti sot në qytet përkoi me djegien e fermave në veri të Indisë, gjë që përkeqëson më tej cilësinë e ajrit çdo vit në fillim të dimrit.
Gjatë djegies së tokës bujqësore, ajri i ftohtë dhe i rëndë bllokon ndotësit që vijnë nga burime të ndryshme.
