Anglezja fatkeqe Barbara Wilkinson (68), e cila nuk kishte në plan të “vizitonte” Kroacinë, prej dy javësh qëndron në gjendje kome në një spital të Zagrebit .
Gjegjësisht, zonja fluturoi nga East Midlands me mbesën e saj 13-vjeçare dhe një mik në Korfuz të Greqisë, por fati e çoi në Zagreb, transmeton Dnevno.hr.
Gjithçka shkoi keq në fillim të fluturimit. Pasi u vendosën, mbesa i dha gjyshes së saj një karamele dhe gruaja filloi të kollitej. Kur kollitja pushoi, Wilkinson e zuri gjumi dhe çdo përpjekje e mbesës për të zgjuar gjyshen e saj ishte e pasuksesshme.
Familja ka frikë nga skenari më i keq
E shqetësuar për jetën e saj, mbesa dhe shoqja e saj lajmëruan stafin dhe piloti u ul menjëherë në Zadar, nga ku gruaja u transportua në Zagreb dhe u operua.
Edhe pse në fillim dyshohej për një goditje në tru, pas një skanimi CT në Spitalin e Përgjithshëm të Zadarit, u konfirmua se ajo kishte pësuar një aneurizëm të trurit kërcënues për jetën . Wilkinson arriti të zgjohej pas operacionit, por duke qenë se ajo po merrte frymë me vështirësi, mjekët e futën në koma të induktuar.
Daily Mail shkruan se sigurimi i saj nuk mbulon koston e kthimit në Mbretërinë e Bashkuar dhe familja ka frikë nga skenari më i keq. Për ta sjellë gjyshen në shtëpi, familja nisi një fushatë GoFundMe me qëllim që të mblidhte sa më shpejt 35,000 paund që nevojiteshin për ta sjellë në shtëpi dhe për të vazhduar trajtimin e saj.
