Gjykata e Lartë në Beograd ka vendosur 30 ditë paraburgim për Bernard C., dhe Ganfranc V., të dyshuar për kryerjen e veprës penale të nxitjes së urrejtjes, racore dhe fetare para Kuvendit të Serbisë.
Paraburgimi i tyre është caktuar për shkak të rrezikut të arratisjes, tha për Tanjug zëdhënësja e gjykatës, Milica Veliçkoviq.
Sipas kallëzimit penal, Bernard C. ka fotografuar Gianfranco V., me celularin e tij teksa me grushte tregonte shqiponjën dykrenare, duke aluduar në simbolin e “Shqipërisë së madhe”, Prokurorisë së Lartë Publike në Beograd, shpallur më herët.
“Pasi panë policët, Gianfranco u largua nga vendi i ngjarjes, por u arrestua në qendër të Beogradit të njëjtën mbrëmje”, thuhet në njoftim.
Tutje theksohet se Bernard C, i cili ka nënshtetësi të Zvicrës dhe Kroacisë, pjesërisht i ka pranuar pretendimet e kallëzimit penal gjatë seancës, ndërsa i dyshuari Gianfranco V, shtetas i Zvicrës, është mbrojtur duke heshtur, gjegjësisht ka ushtruar të drejtën e tij ligjore që të mos për të paraqitur një mbrojtje.
Prokuroria pas seancës i ka sugjeruar gjyqtarit për procedurë paraprake ndalimin e të dyshuarve për shkak të rrezikut për arratisje.
