Klan Kosova është mbytur nga tymi gjatë ditës së sotme.
Një veturë e tipit Volkswagen në të cilin gjendeshin katër persona, ka hyrë brenda ambienteve të Klan Kosovës, duke kryer sulm huligan me mjete piroteknike.
Nga automjeti ku ndodheshin katër gra, me të ka hyrë brenda hapësirës së televizionit dhe Klan Arenës, janë hedhur mjetet e rrezikshme në drejtim të sipërfaqës prej druri, çka ka rrezikuar përfshirjen nga zjarri, njëkohësisht duke rrezikuar seriozisht jetën e të gjithë punëtorëve, raporton Klankosova.tv.Televizioni ka ftuar policinë e Kosovës, e cila është njoftuar për rastin, teksa forcat e rendit kanë në dispozicion edhe fotografitë dhe videot e kamerave të sigurisë, ku sulmueset shihen qartë duke kryer veprimin kriminal.Klan Kosova dënon ashpër çdo veprim të tillë huliganizmi ndaj çdo institucioni apo subjekti, andaj apelon tek organet e rendit që kryerësit e akteve të tilla, të përgjigjen para drejtësisë.
Organizata për mbrojtën e të drejtave të grave “QIKA” ka njoftuar se në oborrin e Klanit është hedhur tym. “Nuk mund të normalizoni dhunën ndaj grave”, thuhet në postim.
Ky veprim vjen menjëherë pas hyrjes së bashkëshortit të Drenusha Latifit në “BBVK”, i cili u bë pjesë e shtëpisë më të njohur në puntatën e djeshme.
