Pasi u zyrtarizua se Donald Trump do të bëhet presidenti i 47-të i SHBA-së, pyetja që bëhet më së shumti lidhet me disa gjykime dhe çështje që janë aktive në disa gjykata në SHBA.Ajo që u shkrua më herët është se Donald Trump është bërë presidenti i parë i zgjedhur i SHBA-së, i cili është në pritje të dënimit për një çështje për përvetësim dhe keqpërdorim financiar, që është një çështje që është aktive në një gjykatë në Nju Jork.
Sipas CNN, Trump është planifikuar të paraqitet në një sallë gjyqi në Nju Jork më 26 nëntor për t’u dënuar zyrtarisht për 34 akuza për falsifikim të të dhënave të biznesit që ai përdori për të mbuluar një pagesë sekrete për yllin porno Stormy Daniels.
Megjithatë, gjyqtari Juan Merchan i ka dhënë vetes afat deri më 12 nëntor për të vendosur nëse do të rrëzojë dënimin e Trump, e gjitha kjo për shkak të një vendimi të Gjykatës së Lartë këtë verë që i dha Trumpit imunitet të pjesshëm presidencial në raste specifike.
Nëse Merchan e bën këtë, akuzat do të hidheshin poshtë dhe Trump nuk do të dënohej.
Megjithatë, nëse gjyqtari vendos t’i përmbahet këtij vendimi, ekipi ligjor i Trump pritet të paraqesë një kërkesë për vonesë në dënimin dhe do të bëjë një apel. Ky proces mund të zgjasë më pas me muaj.
Përveç dënimit me burg, Merchan mund të vendosë një dënim me kusht për Trump, si arrest shtëpie, gjobë ose shërbim në komunitet.
Nga ana tjetër, fitorja e Trumpit në zgjedhje do të ketë ndikimin më të madh në dy procedimet penale federale kundër tij në Florida dhe Uashington.
Që nga fillimi i çështjeve në vitin 2023, strategjia kryesore ligjore e Trump ka qenë shtyrja e gjyqeve deri pas zgjedhjeve, në mënyrë që, nëse zgjidhet, ai të shkarkojë prokurorin special Jack Smith, i cili do t’i jepte fund të dy rasteve.
Në fund të tetorit, Trump tha se nuk do të hezitonte të merrte një hap të tillë.
Heqja e Smith do të lejonte Departamentin e Drejtësisë dhe Prokurorin e Përgjithshëm të shtetit të heqin akuzat kundër tij dhe t’i japin fund çështjeve gjyqësore.
Donald Trump po mbrohet gjithashtu në një sërë padish civile, përfshirë ato që lidhen me rolin e tij në sulmin ndaj Kapitolit të SHBA më 6 janar 2021. dhe shpifje dhe mashtrim civil për të cilat ai u urdhërua të paguante 454 milionë dollarë si dëmshpërblim.Kur bëhet fjalë për këto raste, është e mundur që ato të vazhdojnë edhe pasi Trump të marrë detyrën në vitin 2025, por nuk mund të ndikojnë në pozicionin e tij pasi të marrë detyrën.
