Pasi 43 majmunë u arratisën nga një qendër kërkimore në një qytet të vogël në Karolinën e Jugut në Shtetet e Bashkuara, policia u kërkoi banorëve të mbyllnin shtëpitë e tyre dhe të mos u afroheshin në asnjë rrethanë.
Departamenti i policisë së Yemassee, Karolina e Jugut, një qytet me 2,000 banorë, tha në Facebook se makakët e reja femra rezus ishin arratisur të mërkurën.
Ata janë shumë të rinj për të qenë bartës të sëmundjes
Policia i është bashkuar kërkimit të majmunëve të arratisur së bashku me punonjësit e qendrës kërkimore Alpha Genesis. Ajo nuk shpjegoi se si majmunët shpëtuan.
Për kapjen e kafshëve janë vendosur kurthe, ndërsa policia po përdor edhe kamera termike për gjetjen e tyre. Greg Westergaard, CEO i Alpha Genesis, i tha CNN se majmunët u arratisën pasi një portier nuk e mbylli derën, duke theksuar se ishte “100% gabim njerëzor”.
Policia thotë gjithashtu se Alpha Genesis pretendon se këta majmunë nuk janë testuar kurrë dhe se ata janë shumë të rinj për të qenë bartës të sëmundjes.
