Presidenti i zgjedhur i Shteteve të Bashkuara të Amerikës, Donald Trump, e ka zgjedhur Susie Wiles, shefe të stafit në Shtëpinë e Bardhë.
Associated Press shkruan se Wiles vlerësohet gjerësisht si nga brenda ashtu edhe jashtë rrethit të Trumpit për udhëheqjen e suksesshme të fushatës së tij.
Sipas këtij mediumi, ajo shmangu vëmendjen, madje nuk pranoi të fliste, ndërsa Trumpi festoi fitoren mëngjesin e së mërkurës.
Emërimi i saj është vendimi i parë i madh i Trumpit si president i zgjedhur dhe një që mund të jetë test përcaktues i administratës së tij, pasi i duhet ta bëjë shpejt ekipin që do ta ndihmojë në udhëheqje.
