Kryeministri izraelit Benjamin Netanyahu e pranoi publikisht të dielën se Izraeli ishte përgjegjës për bombardimet e koordinuara të pajisjeve të komunikimit të Hezbollahut më 17 dhe 18 shtator, të cilat vranë dhjetëra njerëz në të gjithë Libanin.
Për këtë shkruajnë mediat izraelite Yedioth Ahronoth dhe Times of Israel.
Kjo është hera e parë që Izraeli ka marrë zyrtarisht përgjegjësinë për sulmin, i cili vrau të paktën 40 njerëz, duke përfshirë një fëmijë, dhe plagosi më shumë se 2,900 të tjerë. Që atëherë, Libani ka paraqitur disa ankesa në OKB për këto sulme.
Duke folur në hapjen e seancës javore të kabinetit të tij, Netanyahu konfirmoi gjithashtu përgjegjësinë e Izraelit për vrasjen e Sekretarit të Përgjithshëm të Hezbollahut, Hassan Nasrallah.
Presidenti izraelit, Isaac Herzog, ka mohuar më parë se Izraeli ishte i përfshirë në sulmet me grackë kundër pajgerëve dhe radiove të Hezbollahut.
“Unë refuzoj çdo lidhje me këtë apo atë burim të operacionit”, tha ai në atë kohë në një intervistë për Sky News me Trevor Phillips, duke shtuar se Hezbollahu “ka shumë armiq”.
Komentet e Netanyahu erdhën në mbledhjen e parë të kabinetit që nga shkarkimi i ministrit të Mbrojtjes Yoav Gallant dhe zëvendësimi i tij nga ish-ministri i Jashtëm Israel Katz.
Vendimi tërhoqi kritika, me disa që argumentuan se Katz “nuk ka përvojë në politikën ushtarake dhe të mbrojtjes, pavarësisht se Izraeli është në luftë”, sipas Yedioth Ahronoth. Përveç kësaj, mijëra izraelitë protestuan kundër shkarkimit të Gallantit.
Duke iu drejtuar ministrave të tij, Netanyahu la të kuptohej se Gallant “kundërshtonte” operacionet izraelite kundër Hezbollahut, ndërsa kryeministri këmbënguli dhe nxiti për këto sulme.
“Operacioni pager dhe eliminimi i Nasrallah u kryen pavarësisht kundërshtimit të zyrtarëve të lartë në sektorin e mbrojtjes dhe atyre që janë përgjegjës për to në nivelin politik,” tha Netanyahu.
Netanyahu shtoi se ai po përballej me një “fushatë të rreme mediatike” dhe pretendoi se Hamasi “i kishte rritur kërkesat e tij për një armëpushim dhe lirimin e pengjeve.
Njohja e parë publike e Netanyahu për sulmet e pagerit vjen disa ditë pasi Bejruti paraqiti një ankesë kundër Tel Avivit në Kombet e Bashkuara për sulmet.
