Për shkak të sulmit, dy aeroporte në Moskë u mbyllën përkohësisht.Kryebashkiaku i Moskës Sergey Sobyanin tha se deri më tani janë shkatërruar 12 dronë në rajonin e Moskës, si dhe në qytetin Domodedovo, në jugperëndim të Moskës.
Më shumë se 21 milion njerëz jetojnë në Rajonin e Moskës. Sipas informacioneve fillestare nuk ka persona të lënduar, si dhe nuk ka dëme në infrastrukturë.
Rosaviacia, agjencia federale e trafikut ajror të Rusisë, tha në Telegram se “për sigurinë e fluturimeve të avionëve civilë, janë vendosur kufizime të përkohshme në funksionimin e aeroporteve”.
Kievi thotë se sulmet e tij me dron në territorin rus synojnë infrastrukturën kritike për përpjekjet luftarake të Moskës dhe janë në përgjigje të sulmit të vazhdueshëm të Rusisë në territorin ukrainas.
