Kryeministri i Kosovës, Albin Kurti së bashku me ministrin e Mbrojtjes, Ejup Maqedonci dhe deputetë të Kuvendit, vizituan për ngushëllime familjen e pjesëtarit të FSK-së, Liman Musliu, i cili vdiq të shtunën tragjikisht.
Sipas njoftimit nga Qeveria, Kurti i ka shprehur ngushëllime familjes dhe miqve të Musliut dhe ka thënë se ai do të kujtohet për kontributin kombëtar dhe shërbimin ndaj vendit dhe FSK-së.
“Ai u shprehu familjarëve dhe miqve ngushëllimet më të sinqerta për humbjen e më të dashurit të tyre, Liman Musliu, të cilin do ta kujtojmë gjithmonë për kontributin kombëtar dhe shërbimin ndaj vendit dhe Forcës së Sigurisë së Kosovë”, thuhet në njoftim.
I ndjeri Liman Musliu ishte pjesëtar i Ushtrisë Çlirimtare të Kosovës, Trupave Mbrojtëse të Kosovës dhe Forcës së Sigurisë së Kosovës, dhe zyrtar civil në Shtabin e Përgjithshëm të FSK-së. /Koasovatimes/
