Policia e Kosovës në bashkëpunim me Doganën e Kosovës kanë ndaluar edhe një rast të kontrabandës me mallra në brezin kufitar mes Kosovës e Maqedonisë së Veriut, në fshatin Debelldeh të Vitisë.
Zbulimi i tentim-kontrabandës u bë kur policia ka vërejtur një mjet transportues kombi në të cilin pas kontrollit është vërejtur se kishte mallra kryesisht ushqimore të cilat dyshohet se ishin sjellë përmes kontrabandës nga Maqedonia e Veriut, vlera e së cilës dyshohet të jetë mbi 5 mijë euro.
“Gjatë kontrollit të automjetit është vërejtur se kishte të ngarkuara mallra të ndryshme, kryesisht ushqimore që dyshohet se ishin sjelle kontrabandë nga Maqedonia. Vlera e mallrave në treg mendohet të jetë mbi 5000 euro. Mallrat dhe automjetit janë sekuestruar dhe dërguar në terminalin doganor. Rasti është duke u trajtuar nga njësitet relevante të Doganës së Kosovës”, bëhet e ditur në njoftim. /Kosovatimes/
