Kryetari i Lidhjes Demokratike të Kosovës (LDK), Lumir Abdixhiku, ka shprehur mbështetjen e tij për vendimin e Komunës së Prishtinës për të ndaluar përdorimin e doracakëve të edukatës seksuale dhe të shëndetit riprodhues në shkollat e kryeqytetit.
Abdixhiku kërkoi që të gjitha komunat e Kosovës të ndërmarrin hapa të ngjashëm, duke theksuar se ky veprim është i domosdoshëm për të mbrojtur fëmijët nga “eksperimentet e pushtetit”.
Abdixhiku premtoi se pas zgjedhjeve të 9 shkurtit, LDK-ja do të angazhohet për t’i kthyer dinjitetin mësuesve dhe të forcojë institucionet arsimore, duke e bërë shkollën një vend të sigurt për zhvillimin dhe arsimimin e fëmijëve. /Kosovatimes/
