Organizata mjedisore shprehën shqetësimin për punën e hidrocentraleve në parkun kombëtar “Sharr”. Ato kërkojnë nga qeveria e ardhshme që t`i shfuqizojë vendimet dhe t’i ndalojë veprimet ilegale të hidrocentraleve në parkun kombëtar të vendit.
Licencimi i hidrocentraleve pa vlerësime adekuate mjedisore në lumenjtë e parkut kombëtar “Sharr” ka sjellë edhe shkelje ndërkombëtare.
Kështu kanë thënë gjatë një konferencë disa organizata vendore për mbrojtjen e natyrës, ta cilat kanë dorëzuar ankesë në Sekretariatin e Komunitetit të Energjisë në Vjenë të Austrisë, kundër Kosovës për shkeljen e ligjeve ndërkombëtare me ndërtimin e hidrocentraleve në Parkun Kombëtar të Sharrit
“Është fakti që këto hidrocentrale gjinden në parqe kombëtare kanë shkelë të gjitha parimet dhe principet e parqeve kombëtare përderisa 4 hidrocentarlet i kanë pikat matëse dhe janë të lokalizuara në zonën 2 të parqeve kombëtare”, ka thënë Ekzona Kadriu nga Organizata EcoZ.
“Ne energjinë mund ta prodhojmë edhe me diçka tjetër, mirëpo ujin nuk mund ta prodhojmë me diçka tjetër as nuk mund ta sjellim prej diku tjetër, këto janë resurset që ne i kemi, e mi bo krejt këto na duhet me u bo tonë bashkë”, ka thënë Ali Sefaj aktivist mjedisor.
“Këto hidrocentrale bien ndesh me ligjin për ujërat të Kosovës, bien ndesh me prioritet e të cilat i sheh ligji për ujërat, mas pari uji duhet të jetë për banorët lokal e masandej për përfitime komerciale, përderisa deri sot kjo ka qenë e përmbysur”, ka thënë Artan Nrecaj, aktivist mjedisor
Aktivistët thanë se duhet të ndalohet eksploatimi dhe veprimi ilegal i hidrocentraleve në zonat e caktuara të parqeve kombëtare.
