Pesëmbëdhjetë zyrtarë të lartë të policisë në Maqedoninë e Veriut janë shkarkuar për shkak se kanë punuar në kundërshtim me ligjin dhe kanë lëshuar në mënyrë të paligjshme leje për armëmbajtje, njoftoi ministri i Punëve të Brendshme, Pançe Toshkovski.
Ai tha në konferencën e sotme për media se ai dhe kabineti ka pranuar personalisht ankesa nga qytetarët për mënyrën se si janë kryer procedurat për dhënien e lejeve për armëmbajtje në Ministrinë e Punëve të Brendshme.
“Pas një hetimi të hollësishëm të Komisionit që ka kryer auditimin e peticioneve, është konstatuar se në një numër të madh të lëndëve në të kaluarën nuk janë proceduar mbi 5000 lëndë dhe në të njëjtën kohë një numër i madh i lëndëve ku aplikantëve nuk i plotësuan kushtet iu dha leja për armë, tha Toshkovski.
Ministri shpjegoi se veprimet selektive janë bërë vetëm për rastet për të cilat një zyrtar i caktuar policor ka qenë i interesuar të japë urdhër dhe kjo nuk është bërë në mënyrë kronologjike. Shkelja e dytë, tha Toshkovski, ka të bëjë me persona të caktuar të cilët nuk i kanë plotësuar kushtet ligjore kur u janë dhënë lejet.
Toshkovski paralajmëroi se në periudhën e ardhshme do të ketë kallëzime penale për ata për të cilët ka dëshmi se kanë kryer vepër penale.(INA)
