Gjermania e ka siguruar vendin e parë në Grupin A3 të Ligës së Kombeve me një fitore të thellë 7-0 ndaj Bosnjës dhe Hercegovinës, duke vendosur një rekord të ri të kompeticionit.
Gjithashtu edhe Holanda ka triumfuar 4-0 kundër Hungarisë.
Ndeshja e të shtunës ka nisur në mënyrën më të mirë të mundshme për Gjermaninë, e cila ka kaluar në epërsi pas vetëm tetëdhjetë sekondash me Jamal Musiala.
Pas vetem njëzet minutave ka shënuar edhe Kleindienst. Por “pancerët” nuk janë ndalur vetëm me dy gola. Në listën e realizuesve janë regjistruar edhe Havertz (37′), Wirtz (50’57’), Sane (66′) dhe sërish Kleindienst (79′).
Në ndeshjen tjetër në “Johan Cruyff Arena” “tulipanët” kanë deklasuar skuadrën hungareze. Weghorst (21′), Gakpo (45+3′), Dumfries (64′) dhe Koopmeiners kanë realizuar për fitoren e ekipit holandez.
Pas këtyre ndeshjeve, Gjermania e kryeson grupin me trembëdhjetë pikë, e ndjekur nga Holanda me tetë pikë. Në vendin e tretë gjendet Hungaria me pesë pikë, ndërsa vendi i fundit me vetëm një pikë i përket Bosnjës dhe Hercegovinës.
REZULTATET E NDESHJEVE:
