Kreu i Partisë Demokratike, Sali Berisha, ka zhvilluar një komunikim online me shqiptarët që jetojnë në Londër. Drejtuar emigrantëve shqiptarë, Berisha tha se ata do të kenë një rol përcaktues në zgjedhjet e ardhshme që pritet të mbahen në vitin 2025, pasi për herë të parë do të kenë mundësi të shfrytëzojnë të drejtën e votës.
“Ju keni mision të luani një rol përcaktues në zgjedhjet e ardhshme, në fitoren e opozitës arkivimit të narkoshtetit. E një shteti që nuk njeh asnjë parim përveç vjedhjes dhe frikësimit të shqiptarëve”, tha ai.
Qeverisjen e kryeministrit Edi Rama, Berisha e konsideroi si “diktaturë”, teksa i kërkoi emigrantëve që të votojnë për opozitën.
“Kjo është një diktaturë, miqtë e mi, është vendi me të burgosur politikë më shumë se Bjellorusia dhe Rusia. Në Shqipëri lider të partive kryesore opozitare janë të arrestuar. Ne, të gjithë sëbashku do t’i japim Edi Ramës përgjigjen që meriton. Ky është një armik i egër i kombit dhe unë ju them ju, se në histori asnjë pushtues, asnjë diktaturë nuk ka dëbuar nga Shqipëria shqiptarët se sa regjimi i Edi Ramës. Me program, me qëllim, vetëm e vetëm që të mbeten sa më pak kundërshtarë të tij në Shqipëri. Vetëm në hapësirën e Shengenit para një muaji u njoftua se kanë ikur para një muaji 1.9 milionë shqiptarë. Duhet t’i gjejmë kudo që janë të votojnë për vendin e tyre, për shpëtimin e Shqipërisë”, u shpreh kreu i PD-së.
