Franca ka siguruar kryesimin e Grupit A2 të Ligës së Kombeve të UEFA-s pas një fitore 3-1 ndaj Italisë në “San Siro”. Gjithashtu edhe Izraeli e ka mposhtur Belgjikën.
“Gjelat” e kanë nisur furishëm ndeshjen duke kaluar në epërsi që në minutën e dytë me një gol të Adrien Rabiot, i cili ka përfituar nga një asist i Lucas Digne pas një goditjeje këndi.
Italia është përpjekur që të barazonte shpejt, por portieri Mike Maignan ka ndaluar një tentativë nga Nicolo Barella. Franca e ka dyfishuar epërsinë kur goditja e lirë e Digne ka goditur shtyllën dhe ka përfunduar në rrjetë pas një devijimi nga portieri italian Guglielmo Vicario.
“Azurrët” nuk janë dorëzuar dhe kanë reaguar brenda dy minutash me një gol të Andrea Cambiaso, i cili e ka shfrytëzuar një asist nga Federico Dimarco. Pjesa e parë është mbyllur me rezultatin 2-1, duke i lënë të hapura mundësitë për të dy ekipet.
Në pjesën e dytë, Franca e ka vulosur fitoren me një tjetër kombinim mes Digne dhe Rabiot. Ky i fundit ka shënuar me kokë golin e tretë për Francën, duke i dhënë epilogun përballjes dhe duke siguruar një vend si bartëse në çerekfinalet e Ligës së Kombeve.
Ndërkohë, Izraeli e ka mposhtur Belgjikën 1-0 në Budapest, duke i dhënë fund serisë prej pesë ndeshjesh pa fitore. Goli i vetëm i ndeshjes është shënuar nga Yarden Shua në minutën e tetëdhjetë e gjashtë. Megjithatë, kjo fitore nuk ka qenë e mjaftueshme për ta shmangur rënien nga kategoria.
REZULTATET E NDESHJEVE TË SOTME:
