Ministri i Kulturës, i Rinisë dhe i Sportit, Hajrullah Çeku, ka njoftuar për investime të mëdha në infrastrukturën e futbollit në Kosovë.
“Stadiume të reja do të ndërtohen në Pejë dhe Ferizaj, ndërsa stadiumet e Prizrenit dhe të Vushtrrisë do të rinovohen plotësisht. Vlera totale e projekteve arrin në 37 milionë euro, ku komunat kanë kontribuuar në bashkëfinancim”, ka shkruar ai.
Çeku ka njoftuar se, procedurat e prokurimit janë shpallur pas përfundimit të projekteve zbatuese duke shënuar një hap të rëndësishëm në planin pesëvjeçar për zhvillimin e sportit. /Kosovatimes/
