Sipas mediave të mirëinformuara në Gjermani, me sugjerimin e ushtrisë gjermane (Bundeswehr), qeveria miratoi një dokument të titulluar “Plani operacional gjerman” me më shumë se 1000 faqe materiale.
Ndonëse dokumenti mbrohet nga niveli më i lartë i fshehtësisë, ka rrjedhur një pjesë e informacionit, nga ku rezulton se ky dokument ka për qëllim krijimin e sigurisë ekonomike të Gjermanisë në rast të përshkallëzimit të luftës në Ukrainë.
Dhoma e Tregtisë e provincës së Hamburgut zhvilloi aktivitetin e saj të parë në ditët e mëparshme, bazuar në njohuritë e këtij dokumenti, ku kompanitë iu drejtuan drejtpërdrejt strukturave ushtarake. Nënkoloneli i Ushtrisë Gjermane Jörn Plischke dha këshilla konkrete në lidhje me dokumentin e miratuar.
“Për çdo njëqind punonjës, trajnoni të paktën pesë shoferë kamionësh shtesë që nuk ju nevojiten,” tha Plischke.
Duke shpjeguar këtë këshillë, sipas burimeve të mirëinformuara, Plischke shtoi se 70 për qind e të gjithë kamionëve në rrugët gjermane drejtohen nga qytetarë me origjinë nga Evropa Lindore. Nëse ka një luftë atje, ku do të jenë këta njerëz në rast emergjence, prandaj këshillohet të bëni një plan konkret për kompaninë tuaj se çfarë pritet nga punonjësit në një krizë.
“Ne duhet të rrisim ndërgjegjësimin se sa e rëndësishme është një ekonomi e përgatitur mirë dhe elastike për mbrojtjen civile dhe ushtarake të Gjermanisë,” tha Heyne kur u pyet.
