By using this site, you agree to the Privacy Policy and Terms of Use.
Accept
Kosova TimesKosova Times
Notification Show More
Latest News
Horoskopi ditor për 26 qershor
June 26, 2025
Erdogan: KFOR-i turk është në veri të Kosovës, s`do të ketë asnjë problem
June 25, 2025
Serbia arreston tre persona
June 25, 2025
Trump: Unë parandalova luftën në Kosovë, serbët pothuajse filluan
June 25, 2025
Çeku: Një tjetër projekt i rëndësishëm drejt përfundimit
June 25, 2025
Aa
  • Ballina
  • Politikë
    • Lajme
    • Tema
    • Gjeopolitikë
    • Opinion
  • Rajon / Botë
  • Ekonomi
    • Lajme
    • Tema
    • Financa
    • Turizëm
    • Bujqësi
  • Kulturë
    • Lajme
    • ShowBiz
    • Moda
  • Shëndetësi
  • Sport
  • Hi-tech
    • Teknologji
    • Shkencë
Reading: Në Shqipëri protestohet pas vrasjes së 14-vjeçarit
Share
Aa
Kosova TimesKosova Times
Search
  • Home
    • Home News
    • Home 2
    • Home 3
    • Home 4
    • Home 5
  • Categories
  • Bookmarks
    • Customize Interests
    • My Bookmarks
  • More Foxiz
    • Blog Index
    • Sitemap
Have an existing account? Sign In
Follow US
Kosova Times > Blog > Ballina 2 > Në Shqipëri protestohet pas vrasjes së 14-vjeçarit
Ballina 2Rajon / Botë

Në Shqipëri protestohet pas vrasjes së 14-vjeçarit

Kosova Times
Last updated: 2024/11/21 at 3:50 PM
Kosova Times Published November 21, 2024
Share
SHARE

Qytetarë të shumtë protestuan në Tiranë më 21 nëntor pas vrasjes së 14-vjeçarit, Martin Cani. Prindër, gjyshër dhe të rinj marshuan nga shkolla “Fan Noli”, pranë së cilës u vra i mituri, në drejtim të ndërtesës së Ministrisë së Arsimit, ku kërkuan dorëheqjen e ministres, Ogerta Manastirliu.

Martin Cani u vra me thikë më 18 nëntor, pak metra larg shkollës ku ai mësonte. Edhe autori i dyshuar, i së njëjtës moshë, ishte nxënës i kësaj shkolle.

Protesta u organizua me qëllim sensibilizimin e institucioneve dhe shoqërisë që ngjarje si ajo e vrasjes së Martin Canit të mos përsëriten.

Me pankartat ku shkruhej “Institucionet e papërgjegjshme vrasin”, “Sot Martini, nesër mund të jetë fëmija yt”, si dhe “Heshtja jonë ushqen padrejtësinë” etj, qytetarët fajësuan për ngjarjen institucionet, në veçanti Ministrinë e Arsimit.

Një pjesëmarrëse në protestën në Tiranë.
Një pjesëmarrëse në protestën në Tiranë.

Një vajzë, shoqe klase me Martinin, tha se ka parë persona me thikë në ambientet e shkollës.

“Ne kemi humbur një shok të zemrës, që e kemi pasur për nëntë vjet në klasë. Na ka lënduar thellë. Në vend që të jemi të lumtur, jemi të frikësuar për sigurinë që nuk e gjejmë në shkollë. Ne shihnim në shkollë njerëz që vinin me thika e shisnin mend për të treguar se ‘jemi të fortët’. Ku është siguria nga shkolla, oficerja, drejtoresha. Unë kam një motër të vogël në atë shkollë. Frika që unë kam për atë dhe veten time është e madhe”, tha nxënësja.

“Institucionet duhet të mbajnë përgjegjësi. Oficeri i sigurisë, mësuesja, drejtoresha e shkollës, Ministria e Arsimit nuk e ka bërë detyrën e vet sa duhet. Qeveria që e sheh përgjegjësinë te mbyllja e TikTok-ut tregon se nuk e ka bërë punën si duhet”, tha një prind që mori pjesë në protestë.

Ai iu referua propozimit të bërë nga kryeministri i Shqipërisë, Edi Rama, një ditë më parë për mbylljen e platformave sociale TikTok dhe Snapchat, apo për vendosjen e disa filtrave.

Pas vrasjes së 14-vjeçarit, u publikua fotografia e autorit, që tregonte plagën që kishte marrë në dorë dhe ai u shfaq duke ngritur grushtin lart. Foton ai ua kishte dërguar një grupi shokësh në Snapchat. Disa ditë para krimit, ai kishte postuar po në këtë rrjet social një tjetër foto me një thikë në dorë.

Një pankartë gjatë protestës në Tiranë.
Një pankartë gjatë protestës në Tiranë.

“Ne nuk kemi nevojë për mësim fiktiv, të ndalonte mësimi të nesërmen e vrasjes së Martinit dhe të flitej për edukimin, socializimin. Jam nënë dhe bëj dy punë për të mbuluar shpenzimet familjare. Çdo ditë pyes veten, a duhet ta rris fëmijën tim në këtë vend? Pse duhet të jem në këtë dilemë? Nuk duhet të ikim ne nga ky vend, por të papërgjegjshmit, të paaftët”, tha një nënë gjatë protestës para Ministrisë së Arsimit.

Në protestë morën pjesë edhe mësues. Një nga ta tha se shteti duhet të marrë përgjegjësinë për atë që nuk mundi të bënte në rastin e Martinit.

Protesta në Tiranë më 21 nëntor 2024.
Protesta në Tiranë më 21 nëntor 2024.

“Ku ishte ambulanca, ku ishte policia? Po, duhet të merren masa dhe për rrjetet sociale. Unë jam mësuese vetë, jam dakord që raportimi i çdo konflikti duhet të përcillet te prindërit”, tha ajo.

“Të shtohet buxheti për arsimin në nivelin 3.4% të Prodhimit të Brendshëm Bruto për vitin 2025, nga 600 milionë lekë në 850 milionë lekë, duke synuar plotësimin e shkollave me infrastrukturë dhe staf mbështetës. Rritje dhe plotësim i 100% të shkollave me psikologë të paktën një psikolog për shkollë ose një psikolog për 350 nxënës. Qëndrim i nxënësve në hapësirat e shkollës deri në orën 16:00, duke ofruar program, ushqim dhe mundësi për të bërë detyrat”, ishin disa nga kërkesat kryesore të protestuesve.

Migen Demirxhi, përfaqësues i organizatës “Qendresa Qytetare” i cili bëri publike këto kërkesa, tha se nëse deri ditën e hënë nuk do të ndodhë dorëheqja e ministres së Arsimit, do të mbahet një tjetër protestë.

Ai kërkoi që më shumë prindër dhe nxënës të dalin në protestë për të krijuar një aleancë të madhe në mbrojtje të fëmijëve.

Protestuesit lyen me bojë të kuqe muret e ndërtesës së Ministrisë së Arsimit.

Lyerja me bojë e ndërtesës së Ministrisë së Arsimit të Shqipërisë.
Lyerja me bojë e ndërtesës së Ministrisë së Arsimit të Shqipërisë.

Në protestën e 21 nëntorit u lexua edhe një mesazh nga prindërit e Martinit.

“Nuk mendoj që ka fjalë që e përshkruan dhimbjen. Martini ishte i mbushur me ëndrra e jetë. Ja morën të dyja. Uroj që askush të mos e provojë. Ju falënderojmë të gjithëve nga zemra”, ishte mesazhi i prindërve të Martinit.

Pjesëmarrës në protestë ishin shokë të Martinit dhe tezja e tij, e cila u ndje keq dhe u përcoll me autoambulancë për ndihmë mjekësore.

You Might Also Like

Serbia arreston tre persona

Trump: Unë parandalova luftën në Kosovë, serbët pothuajse filluan

Specialja hodhi poshtë kundërshtimet n`rastin e administrimit të drejtësisë RTKlive

Armenia arreston kryepeshkopin për komplot të dyshuar për grusht shteti

NATO vendos të rrisë shpenzimet për mbrojtje në 5% të PBB-së deri më 2035

TAGGED: #Protestë, #Shqipëri, #Vrasja e 14-vjeçarit
Kosova Times November 21, 2024
Share this Article
Facebook Twitter Email Print

Follow US

Find US on Social Medias
Facebook Like
Twitter Follow
Youtube Subscribe
Telegram Follow

Weekly Newsletter

Subscribe to our newsletter to get our newest articles instantly!

[mc4wp_form]
Popular News
Lajme

Dogana e Kosovës arreston dy persona për shmangie nga detyrimet doganore dhe dëmtimin e plombave zyrtare

Kosova Times Kosova Times September 20, 2024
Spanja dhe Portugalia pa energji, mbledhje urgjente e qeverisë. Pamjet e kaosit të trafikut
Pse BE-ja po kërkon që për urën e Ibrit të diskutohet sërish në Bruksel?
Mesazhi i fshehur për Serbinë?!Çfarë fshihet pas paralajmërimit të Biden për Rusinë dhe Ballkanin
Një udhëtar i armatosur vrau dy persona në aeroportin kryesor të Moldavisë
- Advertisement -
Ad imageAd image
Global Coronavirus Cases

Confirmed

0

Death

0

More Information:Covid-19 Statistics

Kategoritë

  • Politikë
  • Rajon / Botë
  • Ekonomi
  • Kulturë
  • Shëndetësi
  • Sport
  • Hi - tech

About US

Kosova Times We influence 20 million users and is the number one business and technology news network on the planet.

Subscribe US

Subscribe to our newsletter to get our newest articles instantly!

[mc4wp_form]

© Kosova Times. All Rights Reserved.

Removed from reading list

Undo
Welcome Back!

Sign in to your account

Lost your password?